Градежната фирма „Урбан инвест“ од Кавадарци ќе ги изведува работите за реконструкција и проширување на градскиот парк во Пробиштип. На тендерот распишан од локалната самоуправа учествуваа пет субјекти, кои поднесоа понуди за спроведување на проектот. Планирано е да се прошири постоечкото зеленило, како и да се изградат фонтани и спортски содржини во паркот. Општина Пробиштип очекува дека со овој зафат градот ќе добие репрезентативен градски парк.

Изведбените активности ќе се одвиваат во временски период од четири месеци, така што се очекува истите да бидат завршени најдоцна до крајот на јануари 2016 година. Во локалниот буџет за реконструкција и проширување на градскиот парк се предвидени 19.554.016 денари, односно околу 320 илјади евра.


Warning: A non-numeric value encountered in /home/probisti/domains/probistip.mk/public_html/wp-content/themes/probistipmktheme/includes/wp_booster/td_block.php on line 1009